Chansons Créoles

Parole & musique Thierry Gauliris
Groupe Bastèr

Mi connais in' ti mamzelle, mi aim à elle
Seulement mi connais pas si elle i aime à moin
Si elle i aime à moin, dis à moin ça
Si elle i aime pas moin, dis pas moin ça !

(...)
Mi connais in' ti mamzelle, son zyeu i tourne
Seulement mi connais pas si elle i engarde à moin
si elle i engarde à moin, dis à moin ça
si elle i engarde pas moin, dis pas moin ça

(...)

Parole et musique Jules Joron

Mi rouv'in zyeu, 4 heures i sonne
A cuté d'moin mi vois pu personne
Mi pense peut-ti' Joséphine
Po chauf' café dans la cuisine

L'heur' qu'mon deux yeux la rouvert
Moin la bien compris mon malheur
Navé beau fé désord' dans la case
Moin té tout seul, moin navé pu d'femm'.

Comm' in fou moin saut' à terr'
Sans remarquer si moin té en moresse
moin la cours la case belle-mère
Fallait voir àmoin fé la vitesse
Dans la pente fallait voir moin lété
Pareil in vieux l'auto na pu d'frein(...)

Mi trouv mon belle-mer' en ville
lu commence fout' à moin deux gif'
Tape mon fille toué la fé la farce,
Ta regretté n'espèce fi d'garce !
Mi dis belle-mer : ou lé soûle
Ou bien c'est moin y commence maboul
Hiérosoir moin la piqué deux coups
mais faut pas croir' moin lé encore soûl !
Dans la porte mi vois Joséphine
Son tête enflée té comm' in vié papangue
Son cheveu lété en z'épine
Son figure crasé comm' in vié pot d'chambre
La fallu longtemps mes amis
Avant qu'moin la fini par comprend
Que c'était moin même que l'avait tapé à elle
La veille au soir dans mon rhum.

.../..

Dimanche soir à côte ti'bazar
Un ti'fille l'était là
Moin l'a vu, li l'était gaillard
Dimanche soir à côte ti'bazar
Un ti'fille l'était là
Moin l'a bat' un zié pou' oir
Son robe té qui vole en l'air
Son figure l'était clair
Li l'avait un bon ti' l'odeur
Moin la cos' côté d'li
Li l'a fait son joli
Alors moin l'a dis :

Refrain

Toué lé jolie, ton dent lé blanc comm' de riz
Toué lé jolie, ton ton zié brille comm' grain letchis
Ton ziè lé noir ti fille, ton cheveu lé noir aussi
Ah ti fille, n'a rien que ton dent que té blanc
Comme' un grain de riz
Toué lé jolie, ton, oh ti' fille, toué lé jolie mêm'
N'a rien qu'toué pou fait fond' mon coeur
Comm' ça mêm'

Refrain

 Chansons de Célimène "la muse de la Saline"